У Расіі свінні забілі школьніцу. Адна збіла дзяўчынку з ног, іншыя яе разарвалі

Свінні забілі школьніцу ў Краснаярскім краі (Расія). Пра інцыдэнт паведаміў набліжаны да расійскіх сілавікоў тэлеграм-канал Baza.

17-гадовая школьніца засталася на гаспадарцы адна, калі бацькі з’ехалі ў Краснаярск. Увечары 23 лістапада яна пайшла карміць жывёл і больш са свінарніка не выйшла.

Як высветлілі следчыя, агрэсіўная свінаматка збіла школьніцу з ног: дзяўчынка стукнулася галавой і страціла прытомнасць, а на яе накінуліся іншыя свінні. Паводле крыніц Baza, смерць дзяўчынкі наступіла ў выніку кровастраты пасля таго, як жывёлы парвалі ёй сцегнавую артэрыю левай нагі.

Бацькі забілі трывогу, калі дачка перастала адказваць на званкі. Яны папрасілі знаёмага адведаць яе, ён і знайшоў часткі цела адзінаццацікласніцы ў свінарніку.

Бацькі расказалі паліцэйскім, што свінаматка заўсёды была злосая і вылучалася агрэсіяй.

Чытайце таксама