У кастрычніку беларускія афіцыйныя дылеры прадалі 2360 легкавых аўтамабіляў. Пра гэта сведчаць звесткі Беларускай аўтамабільнай асацыяцыі (БАА).
Рынак адносна кастрычніка 2022 года вырас на 478,7%, за тры кварталы 2023 года адносна такога ж перыяду год таму — на 27,5%.
Лідарам застаецца Geely. У кастрычніку прадалі 1600 аўтамабіляў гэтага брэнда.
«Важна таксама адзначыць з’яўленне новых кітайскіх брэндаў, раней не прадстаўленых у нашай краіне. Гэта зрабіла істотны ўплыў на рынак і ўжо ў найбліжэйшай будучыні дазволіць убачыць яго трансфармацыю на карысць аўтамабіляў з Паднябеснай», — паведамілі ў БАА.
У асацыяцыі падкрэслілі, што за 10 месяцаў гэтага года назіраецца ўстойлівая тэндэнцыя росту рынку продажаў новых аўтамабіляў, што паказвае на яго высокі патэнцыял і паступовае аднаўленне.
«Пры захаванні дадзенай тэндэнцыі і далейшым прыходзе новых брэндаў мы прагназуем, што рынак нашай краіны сёлета можа дасягнуць 25 000 аўто», — адзначылі ў БАА.
Чытайце таксама
